На почетокот на академската година, Студентскиот пленум денеска организираше прв пленумски час со намера да ги запознаат новите студенти, бруцошите со проблемите со кои ќе се соочуваат за време на нивното студитање.
– Ние сме тука да ги интегрираме во Студентскиот пленум и да порачаме дека Пленумот ја продолжува својата борба и оваа година. Ние сакаме да ги отвориме сите студентски прашања кои има потреба да се отворат, а кои се уште никаде не се спомнуваат во нашето општество, рече Демијан Хаџи-Ангелковски од Студентскиот пленум
Студентскиот пленум порача дека и оваа година, силно и моќно продолжува да се бори против сите проблеми што ги имаат студентите, како нереновираните студентски домови и намалениот студентски стандард.
– Најголем проблем се руинираните студентски домови во кои живеат секојдневно нашите колеги кои доаѓаат од другите градови. Тие имаат руинирани студентски домови, но палмите имаат тушеви, тоа за нас ќе биде примарниот проблем. Исто така, проблем е Студентскиот парламент кој што не сака да ги брани правата на студентите, додаде Хаџи-Ангелковски.
Од Студентскиот пленум велат дека има голем интерес кај бруцошите да се зачленат во пленумот, а дел од нивните барања се попусти во книжарниците, да се формира Центар за работа, попусти за културни настани, пристап до датабази со статии и трудови.
А.Б.