Европската унија нема план за северот на Косово, но се обидува да помогне сите страни да дојдат до решение, изјави специјалниот претставник на ЕУ на Косово, Самуел Жбогар.
„ЕУ нема план за решение на ситуацијата на северот на Косово, нема ни плани кој би го понудила во дијалогот меѓу Приштина и Белград. ЕУ се обидува да помогне на сите страни, српската и албанската, кои имаат многу проблеми, да најдат оптимално решение“, изјави Жбогар на трибината „Pristupi severu Kosova”.
Според него, проблемот со Косово, не ги оптеретува само односите меѓу Србите и Албанците, туку со тоа се отежнува и нивниот пат кон ЕУ. Помирување меѓу Србите и Албанците нема да има се додека не се најде оптимално решение за северот на Косово.
Отворањето на косовска канцеларија во северниот дел на Косовска Митровица претставува добар чекор од Приштина, смета Жбогар, но потребни се и конкретни мерки, поради подобрување на економската ситуација во која живеат тамошните Срби.