Унгарската снимателка Петра Ласно доби отказ од работното место, откако беше снимена како ги сопка бегалците да паднат, а потоа како клоца и удира малолетно момче и девојче.
Телевизијата Н1 ТВ информираше дека снимателката е отпуштена од работа поради нејзиното неприфатливо однесување.
-Една колешка од Н1ТВ постапи на неприфатлив начин во прифатниот центар Реска, соопшти на Фејсбук главниот уредник на телевизијата Саболч Кисберк, и додаде дека нејзиниот договор од денеска е поништен, а за телевизијата Н1 тоа е конечна одлука.
Мигрантите вчера се обидуваа да се вратат во Србија, откако унгарците не ги пуштаа кон Германија, но и тоа им беше забрането. Во напливот на емоции и желбата да се вратат назад во Србија, бегалците го пробија полицискиот кордон, а снимателката на Н1ТВ сопна еден човек со дете, кој потоа падна, а подоцна удри со ногата едно малолетно момче и девојче додека бегаа.
Унгарија после овој инцидент има сериозен проблем со нејзиниот рејтинг во светот, ако се има предвид дека и претходно земјата беше обвинувана за сурово однесување со бегалците. Снимателката која удри на бегалците, преку ноќ стана цел на осуда и гадење во сите светски медиуми.