Унгарскиот премиер Виктор Орбан денеска изјави дека бранот бегалци во Европа се заканува да ги поткопа нејзините христијански корени и оти поради тоа е потребно владите да ги контролираат своите граници пред да се одлучат колку емигранти можат да примат.
– Граѓаните сакаат да се справиме со ситуацијата и да ги заштитиме нашите граѓани. Дури кога ќе ги заштитиме нашите граници ќе може да се постави прашањето колку луѓе можеме да примиме и дали треба да постојат квоти, пишува Орбан во авторскиот текст за „Франкфурт алгемајне цајтунг“.
Унгарскиот премиер истакна дека граѓаните на Европа имаат спротивни ставови од поголемиот број европски влади кон бегалската криза.