Последната станица на меѓународните возови, со кој преку Будимпешта се превезуваат стотици бегалци ќе биде на унгарските граници, вклучувајќи ја и онаа со Чешка, информираа превозниците на унгарскиот и чешкиот железнички транспорт.
Како што јави дописникот на МИА од Прага, според портпаролот на „Чешки железници”, Петр Стахлавски, унгарската страна не ги соопштила причините за преземените мерки и не се знае до кога тие ќе траат.
Возовите кои сообраќаат меѓу Чешка и Унгарија ќе запираат во унгарската погранична станица Соб, која е блиску до границата со Словачка.
Во Унгарија последните денови заради бранот бегалци од Блискиот исток и Африка, особено од Сирија кои патуваат во земјите на Западна Европа имаше проблеми заради неможноста да се префрлат со возови сите луѓе.
До сега, Владата на Виктор Орбан, на јужната граница со Србија постави висока бодликава жица, а Парламентот подготвува и измени на Законите, кои би овозможиле порадикален пристап кон мигрантите и оние кои ги пренесуваат.