Во Пекинг со воена парада се одбележува 70-годишнина од победата над Јапонија во Втората светска војна.
На парадата учествуваат околу 12.000 војници и приближно 500 оклопни возила и околу 200 авиони и хеликоптери. Неколку илајади војници се од другите држави. Русија, Белорусија, Србија, Казахстан, Таџикистан, Пакистан, Монголија, Египет, Мексико и Куба се претставени со околу 70 војници, а Авганистан, Венецуела, Лаос, Камбоџа, Фиџи и Вануату учествуваат со по седум војници.
На парадата присуствуваат и 49 шефови на држави или влади, меѓу кои претседателите на Русија, на Белорусија, на Египет, на Казахстан, на Киргистан, на Пакистан, на Јужна Кореја, на Таџикистан, на Узбекистан, на Чешка, и на Јужноафриканската Репбулика.