Попладнево во водите на Мавровско Езеро исчезнал маж чиј идентитет и возраст не се познати. Специјализирани екипи на МВР пребаруваат по дното на брегот во близина на месноста Бунец, бидеќи постои сомнеж дека лицето кое пријавено за исчезнато е удавено.
Од првичните информации на Јавното обвинителство најверојатно се работи држжавјанин на Република Турција на возраст од околу 60 години-
Неофицијално, тој со свои пријатели дошол на излет. Попладнево околу 16 часот влегол во езерото со уште едно лице и двајцата излетници запливале во водата. Во еден момент, едниот од нив почнал да тоне и се обидувал да исплива, по што му се губи трагата. Едниот допливал до брегот и побарал помош.
Случајот во полициското одделение Маврово, го пријавил рибар кој бил во близина по што полициски службеници помогнале и едниот од излетниците го префрлиле во гостиварската болница.
Во моментов Јавното обвинителство ја следи потрагата по исчезнатиот која ја изведуваат екипи на СВР Тетово и нуркачи на МВР. Засега не се соопштуваат повеќе детаљи.