Кумановските пожарникари во текот на вчерашниот ден интервенирале пет пати. Речиси на сите локации горела сува трева и стрништа, соопштија денеска надлежните од ТППЕ Куманово.
Првата интервенција е регистрирана во населба Ајдучка чешма. Четворица пожарникари со едно противпожарно возило интервенирале на сува трева и стрниште.
Во село Орашац кумановските пожарникари гаселе сува трева и стрниште. Сува трева горела и на патот Куманово-Крива Паланка, таму интервенирале тројца пожарникари со едно противпожарно возило.
Во село Горно Којнаре горела сува трева, која пожарникарите успеле да ја изгасат за два часа. Последната интревенција е во село Речица пришто тројца пожарникари со едно возило, еден час гаселе пожар на сува трева и стрниште.