Најмалку 20 припадници на ирачките сили за безбедност загинаа во експлозија на градот Бајџи, 200 километри северозападно од Багдад.
Телевизијата Ал Арабија јави дека нападот е дело на терористичката организација Исламска држава.
ИД во моментот контролира половина од станбените квартови во Бајџи и околу една третина од нафтената рафинерија, која е најголема во земјата.
Во Бајџи испратени се дополнителни безбедносни сили. Борбите за рафинеријата не запираат од јуни кога ИД зазеде нејзини делови.