Турската крајбрежна стража за еден месец спасила во Егејското Море речиси 18.300 бегалци, кои во се поголем број се обидуваат да стигнат до земјите од ЕУ.
Од 18.296 бегалци, кои се спасени во периодот меѓу 17 јули и 17 август, 5.276 се извадени од морето само минатата недела, се наведува во соопштението на турските власти.
Од почетокот на годинава, 36.511 бегалци се спасени во Егејското Море.
– Повеќето од спасените се илегални мигранти, кои тргнуваат со гумени чамци и потоа потонуваат во морето. Во летните месеци забележан е значаен пораст на бројот на случаи на нелегална миграција, наведува турската Влада во своето соопштение.