Јапонската полиција ја уапси 40-годишната Наоко Кикучи, поранешна членка на јапонската секта Аум Шинрико, 17 години по нападот со отровен нервен гас во метрото во Токио, за кој е осомничена.
Во текот на утринскиот метеж на 20.март 1995-та, сектата Аум Шинрико ослободиле убиствен гас, при што животот го загубиле 13 лица, а над 5.000 биле повредени.
Кукучи призна дека учествувала во производството на гасот, но не знаела каков е материјалот.
Полицијата ја уапси Кикучи, во западниот дел на Токио, по пријава од граѓани.
Таа не дала отпор при апсењето и веднаш била однесена на испрашување.
Ова е претпоследниот член од сектата кој е уапсен, пет месеци откако Макото Хирата, друг поранешен член на истата секта, се предаде по 16-годишно криење.
Во бегство останува уште Катсуа Такахаши, последниот осомничен член за нападот.
Основачот на сектата Шоко Асахара и 12 негови следбеници можат да бидат осудени на смрт, за нападот со отровниот гас.