На 12 терени попладнево ќе се играат натпреварите од првото коло од фудбалскиот Куп на Македонија со што ќе биде означен стартот и во ова натпреварување. Три дуели ќе се одиграат утре, додека поради откажувањето на Дрита, екипата на Влазрими веќе е во осминафиналето.
Двојки за денешните натпревари: Еуромилк – Ренова, Вулкан – Македонија ЃП, Превалец – Силекс, Лирија – Хоризонт Турново, Зајас – Шкендија, Беласица – Скопје, Љубанци – Тетекс, Победа – Младост ЦД, Кожув Гевгелија – Вардар, Поешево – Гостивар, Малеш – Металург и Љуботен – Шкупи.
Почетокот на натпреварите е во 17:30 часот.
Утре ќе играат: Фортуна – Работнички, 11 Октомври – Пелистер и Плачковица – Брегалница.
Бранител на трофејот во Купот на Македонија е екипата на Работнички.