Нападот врз конзулатот на САД во Истанбул го извршија денеска две жени, од кои едната е уапсена, потврдено е од кабинетот на гувернерот во Истанбул, а за нападот е обвинета радикалната марксистичка група Револуционерен народен ослободителен фронт (DHKP-C).
Една од напаѓачките подоцна е фатена во блиската зграда и е хоспитализирана, јави Анадолија и наведе дека е идентификувана како 42-годишна Хатисе Асик и дека е припадничка на забранетата DHKP-C.
Од кабинетот на гувернерот е соопштено дека полицијата е во потрага по друга жена која учествувала во нападот.
Во претходен извештај се наведува дека нападот врз Конзулатот во истанбулскиот дистрикт Сариер го извршиле маж и жена и оти никој не е повреден во тој напад, што уследи неколку часа по бомбашкиот напад врз полициска станица во истиот град, во кој се убиени тројца напаѓачи и еден полициски службеник, а ранети се десет лица.
Истанбулската полиција потврди во соопштение дека тројца полицајци и седум цивили се ранети во експлозијата.