Високите температури во комбинација со зголемената влажност се причина за смртта на 21 лице во Египет, соопшти египетското Министерство за здравство.
Изминатите недели термометрите во поголемиот дел од земјата се задржаа на околу 40 степени Целзиусови, а во јужните провинции достигнаа и 50 степени.
Повеќето од жртвите се во Каиро, соопшти Министерството.
Според прогнозите температурата во следните десет дена нема да опадне и дури ќе бележи пораст.