Четири членови на едно палестинско семејство загинаа, а околу 30 лица се повредени денеска при експлозија во јужниот дел на Појасот Газа, изјави портпаролот на Министерството за здравство, Ашраф ал Кедра.
Според него, причина за експлозијата во градот Рафах веројатно е стара, неактивирана израелска бомба од минатогодишната војна.
Претставници на безбедносните сили во Рафах наведуваат дека експлозијата се случила додека луѓето расчистувале урнатини од куќа, која била разурната за време на 50-дневната војна меѓу Израел и Палестинците минатото лето.