Тројца турски војници загинаа денеска, а еден е повреден, во експлозија на мина на југоистокот на Турција, соопштија безбедносни извори.
Се претпоставува дека зад овој напад стојат припадници на Курдската работничка партија, наведуваат изворите.
Курдските екстремисти ја активираа експлозивната направа со далечински управувач, кога конвојот поминувал низ Аракој, во провинцијата Сирнак, на границата меѓу Ирак и Сирија, рекоа истите извори.
Експлозијата предизвика судири меѓу турските војници и припадници на ПКК, додадоа тие, потврдувајќи го извештајот на Анадолија.