Двојно поголема е веќе површината зафатена од шумските пожари кои веќе петти ден уништуваат во северна Калифорнија.
Над 20 куќи се уништени и илјадници луѓе се раселени. Во пожарот изгореа 21.853 хектари источно од градот Ловер Лејк. Активни се 21 пожар со кои се борат повеќе од 9.000 пожарникари, јавуваат локални медиуми.
Повеќе од 12.000 луѓе добија наредба за евакуација, додека пожарникарите успеаја да задржат само пет отсто пожари од понатамошно ширење.
Пожарот источно од Лос Анџелес во Калифорнија, во кој шест луѓе се повредени, се прошири во текот на ноќта и 1.800 луѓе беа приморани да ги напуштат домовите, јавуваат американски медиуми.
Пожарот зафати површина од 7.200 хектари и за негово локализирање се ангажирани 1.800 пожарникари.
Меѓу повредените се петмина пожарникари и еден цивил.
Во пожарот вчера беа уништени 29 објекти, најголем дел куќи. Осум хеликоптери учествуваат во гаснењето на пожарот, а досега е запрено само 40 отсто од огнената стихија. Причина за пожарот се уште не е утврдена.
