Метју Флорес (12) многу сака да чита, но не можел да си дозволи да оди во библиотека затоа што немал пари да купи автобуски билет до центарот на градот.
За да ја задоволи страста кон читањето, Метју се снаоѓал како знае и умее, па често на улица читал флаери што луѓето ги фрлале.
Сцената ја видел локалниот поштар Рон Линч, кој по разговорот со момчето, решил да преземе нешто и да му помогне.
Линч на неговиот профил на Фејсбук објавил статус во кој ги замолува своите пријатели ако имаат да донираат книги за Метју.
Приказната набрзо станала вистински интернет хит и досега на адресата на 12-годшното момче пристигнале повеќе стотици книги, а тие и натаму продолжуваат да стигнуваат.
– Јас сум само едноставно пресреќен, изјави Метју.