Полицијата извести дека десет минути после попноќ во непосредна близина на Секторот за внатрешни работи на Скопје слушната е експлозија, по што од страна на вработените во Центарот за известување и команда веднаш биле известени надлежните служби.
Од експлозијата на бомбата нема повредени лица оштетени се три прозорски стакла од зградата на полицијата и на неколку возила кои биле паркирани на паркинг просторот.
„На местото на настанот излезено е од страна на полициски службеници од СВР-Скопје, како и полициски службеници од Одделот за антитероризам. Извршен е увид подигнат е предметен материјал и истиот е предаден за вештачење. Се превземаат мерки за целосно расчистување на случајот“, се вели во полициското известување.