Во републичкото Собрание за денеска се најавени седници на комисите за труд и социјална политика, за здравство, за транспорт, врски и екологија и за надворешна политика.
Членовите на Комисијата за труд и социјална политика ќе расправаат за Предлог – законот за национална база на податоци за лица со инвалидност, во прво читање, а на Комисијата за здравство за Предлог – законот за изменување и дополнување на Законот за земање и пресадување делови од човечкото тело заради лекување, во второ читање.
На дневен ред на собраниската Комисија за транспорт, врски и екологија е Предлог – законот за изменување и дополнување на Законот за превоз во патниот сообраќај, во второ читање.
Комисијата за надворешна политика треба да се изјасни за Предлог – законот за ратификација на Договорот за воена финансиска соработка и Протоколот за спроведување финансиска поддршка помеѓу владите на Република Македонија и на Република Турција, како и за Предлог – законот за ратификација на Спогодбата меѓу Република Македониjа и Европската унија за учество на РМ во Програмата на ЕУ „Вработување и социјални иновации”.
