САД и Куба, кои во декември го објавија почетокот на историското зближување, постигнаа спогодба за обновување на дипломатските односи и за повторно отварање на амбасади во Вашингтон и во Хавана, изјави вчера во Вашингтон висок американски владин претставник, јави БТА.
Се очекува претседателот на САД Барак Обама и американскиот државен секретар Џон Кери денеска да дадат изјава во врска со ова прашање.
– Ние официјално ќе објавиме утре (среда) дека САД и Куба постигнале спогодба за обновување на дипломатските односи и отварање на амбасади во главните градови, изјавил владиниот претставник.
САД и Куба во декември ги објавија плановите за обновување на дипломатските односи и оттогаш водат преговори за отварање на амбасадите.