Најмалку четворица холандски туристи загинаа, а пет се повредени во несреќа со автобус што превезувал холандски туристи во јужниот дел на Португалија, соопштија денеска медицински извори. Во автобусот имало 31 холандски турист и португалскиот возач.
Автобусот излетал од патот во регионот Алгарве, на крајниот југ на Португалија, наведоа официјални болнички извори.
Пет од повредените туристи се здобиле со потешки повреди и се хоспитализирани.
Полицијата ги испитува причините за несреќата кои за сега не се познати.