Општина Штип на денешната прес-конференција ја претстави програмата за Штипско културно лето (ШКЛ), кое ќе се одржи од 19 јуни до 9-ти август.
Портпаролот на општина Штип, Драган Ристов истакна дека штипската публика може да види 30 културни настани, отварањето е утре со целовечерен концерт на КУД „Ристо Донев –Учителот“, а оваа најстара манифестација во Штип ќе заврши на 9-ти август со востановениот Суммер беацх фестивал.
– Некаде помеѓу се поместени стандардни културни содржини од типот на изложби, концерти, промоции и претстави. Статистички кажано, годинава на ШКЛ ќе има седум настани, кои се во доменот на етно и традиционалната музика, пет класични концерти, три концерти од сферата на популарната музика вклучитлено и промоција на албум и рок хепенингот на Вртешка на планината Плачковица со гости од САД, четири театарски претстави од кои две детски, три изложби од кои две на цртежи и акварели и една на уметничка фотографија, две промоции на книги и една ревија, рече Ристов.
Општина Штип годинава за ШКЛ издвои околу 140.000 денари. Утре, на денот на отворањето на културното лето угостителите ќе имаат продолжено работно време од еден час.