По синоќешното свечено отворање на 50 Македонски театарски фестивал „Војдан Чернодрински“ на плоштадот „Методија Андонов Ченто“ во центарот на Прилеп, вечер публиката ќе има можност да проследи три претстави, од кои две се во официјалната конкуренција за награди.
Од 19 часот на големата сцена на Центарот за култура „Марко Цепенков“ е „Многу врева за ништо“ од Вилјам Шекспир на Театар комедија од Скопје, во режија на Дејан Пројковски, додека од 22 часот на сцената на народниот театар „Војдан Чернодрински“ е „Сон на летната ноќ“ од Вилијам Шекспир во режија на Нела Витошевиќ.
Од 21 часот во амфитеатарот во Варош во придружниот дел од фестивалската програма, на програмата е „Тројството“ на Културниот центар „Скрб и утека – Тиха“ според Светото писмо и Новиот завет, во режија на Тихомир Стојановски.