Јубилејното 10. издание на Меѓународниот и мултикултурен фестивал „Баскерфест“ почнува денеска на плоштадот „Филип Втори“ во Скопје.
Жонглери, брејкденсери, куклен театар, одење по жица и перформанси со оган се само дел од програмата на годинашниот театар на отворено. Најавено е учество на на околу 100 баскер-изведувачи од Чиле, САД, Куба, Албанија, Србија, односно изведувачи од 23 држави кои ќе ги изведуваат своите точки. Во вечерните часови планирани се настапи на повеќе музички групи од странство и од Македонија.
Новина е тоа што за првпат ќе биде организирана детска работилница каде најмладите посетители ќе имаат можност да се дружат со баскер изведувачите и да се едуцираат.
Фестивалот ќе трае до 13 јули, низ 14 градови во Македонија. Во Скопје фестивалот е под покровителство на Град Скопје, за што се одвоени 900 илјади денари.
