Дваесет и едногодишниот Дарко. Т од Делчево загина вчера попладне во несреќа со трактор.
Според МВР, во 13:30 часот вчера при возење низ шумски пат на местото викано „Киселица“ на планината Огражден од лежиштето на тракторот со кој управувал Дарко. Т, а чиј сопатник било 16 годишно момче од село Василево, излегло предното лево тркало.
Момчињата стапиле во контакт со сопственикот на тракторот кој им посочил да го остават тракторот и да тргнат пеш за „Палазлија“ од каде ќе ги земел со возило. Не го послушале и продолжиле со движење на три тркала. Ооколу 14 часот кај местото „Лакита“ изгубиле контрола, тракторот се превртел, при што Дарко Т. бил пригмечен од кабината во пределот на градниот кош и починал на местото на настанот.
Извршен е увид на местото на настанот од ЈО и екипа на СВР-Струмица.
