Во Полициската станица Тетово, Љ.Р.(76) од с.Мала Речица вчера во 17:10 часот пријавил дека околу 11:30 часот на паркинг простор „Арабати Баба Теќе“ го имал паркирано своето патничко возило „Ауди А-4“ со тетовски регистарски ознаки, но кога се вратил, внатре во возилото затекнал непознато лице кое во моментот го извадил радио касетофон, а кога го запрашал што прави сторителот му рекол да не вика.
Кога оштетениот сакал да го задржи сторителот и да повика полиција, истиот го турнал, го оставил радио касетофонот, успеал да ја отвори вратата од возилото, излегол и со штрафцигер му задал удар во пределот на левата рака, по што му нанел видлива повреда-расекотина, а со другата рака го удрил со тупаници и се упатил во непознат правец.
Полицијата изврши увид на местото на настанот и презема мерки за пронаоѓање на сторителот.