Претседателот на Европскиот парламент Мартин Шулц соопшти дека се прекинуваат активностите на Комисијата за парламентарна соработка ЕУ-Русија, како и дека се ограничува пристапот до ЕП на амбасадорот на Руската федерација во Брисел и на уште еден руски дипломат.
Според Шулц рускиот амбасадор и дипломатот нема да имаат слободен пристап до ЕП, како досега. Барањата на членовите на руската Дума, како и на Советот на федерацијата на Руската федерација за пристап до ЕП ќе бидат поединечно проценувани, во зависност од секој конкретен случај.
Во соопштението се наведува дека преземените мерки од ЕП ќе останат на сила до повлекувањето на руската црна листа за забрана на европски политичари и официјални претставници на ЕУ да влегуваат во Русија. Шулц одлуката ја соопштил на рускиот амбасадор во Брисел.