Во балтичките држави и Полска денеска почна воена вежба на НАТО, предводена од САД, чија цел е смирување на соседните земји на Русија кои се вознемирени од тензиите во Украина.
Зголеменото воено присуство на Русија во Балтичко Море и воздушниот простор во тој регион по минатогодишната руска анексија на Крим предизвика загриженост на земјите од тој регион, кои пред 25 години беа зад железната завеса.
Повеќе од 6.000 војници од 13 земји-членки на НАТО учествуваат во воените вежби кои се одржуваат во Естонија, во Летонија, во Литванија и во Полска.
Воените вежби организирани од американската војска во Европа ќе траат до 19 јуни.