Новак Ѓоковиќ ја намали предноста на Роџер Федерер на само 195 бодови на најновата АТП, која е објавена во понеделник.
Ѓоковиќ, во неделата, по голема борба го совлада Енди Мари, во финалето на Мастерсот во Шангај. Токму Мари, во Шангај во полуфиналето го елиминира Федерер, Британецот е трет на светот пред Рафаел Надал, кој веќе четири месеци не игра поради повреда.
Сонародникот на Надал, Давид Ферер се наоѓа на петтото место, додека шести е Томаш Бердих, кој благодарение на пласманот во полуфиналето во Шангај, го мина Жо-Вилфред Цонга.
Осми играч на светот е Хуан Мартин дел Потро, а Топ 10 завршува со Јанко Типсаревиќ и Хуан Монако.
Тениската елита до крајот на сезоната ќе игра на турнирите во Базел, Париз и Лондон, каде титулите ќе ги брани Роџер Федерер.