Ова се трите најбизарни лаги со коишто се служат мажите. Се надеваме дека некогаш не сте поверувале во нив.
„Не ми е до секс, до тебе ми е“. Ова е онаа симпатична, најчесто невистинита приказна. Нема човек на планетата кого не го интересира секс. Нема љубов без либидо. Неможете да се вљубите во мажот со кого барем еднаш не сте посакале да ја поминете ноќта. Се вљубуваме во се: во очите, во говорот, но и во допирот. Затоа кога некој маж ќе ви каже дека не му е до секс, тогаш треба да знаете дека не ја говори вистината. Значи, и вам и нему ви е до секс, односно и двајцата имате исти интереси. Затоа опуштете се и престанете да го третирате сексот како да ве обзел некој бран на измислен морал.
„Ќе се разведам од сопругата само ми треба време“. Ова е онаа манипулаторка, невистините и несвесна приказна. Тој што не се разведува, а го ветува разводот како слобода, никогаш нема да се ослободи. Љубовта не ветува, таа се случува и тоа во слобода, а не во криење и залудни приказни. Затоа немојте да негувате надеж, да чекате туѓ развод што никогаш нема да се случи, туку сакајте ги слобоните луѓе што се подготвени да ве сакаат вас.
„Не сум те изневерил, само си измислуваш“. Ова е онаа вообичаена, па речиси и секојдневна приказна. Тој ќе лаже се додека сами не ја видите вистината со вашите очи. Дури и тогаш ќе постои можност да ве убеди дека се сте измислиле самите. Затоа не се обидувајте да изигравате приватен детектив, затоа што не секој лажго е и крадец, а не секој маж е моногамен. Ништо не измислуваш, се е онака како што си замислуваш.