Протестен марш поради проектот „Скопје 2014“ е најавен за денеска, според програмата за 14-тиот ден од поставувањето на кампот пред Влада.
Граѓани и активисти ќе тргнат од Владата во 18 часот и ќе маршираат до Министерството за култура во Дебар маало.
По маршот, во периодот од 19 до 20 часот, пред присутните во кампот ќе се обратат Илија Николовски од Партија на пензионерите, Станислав Пипан, универзитетски професор, Максим Димитриевски од СДСМ и Горан Мисоски од НСДП.
Протестниот марш „Скопје 2014“ следи по вчерашното објавување на аудио записи, кои како што тврди опозицијата, покажуваат дека лично премиерот Груевски е креатор на проектот кој го измени ликот на центарот на Скопје.