Собранието на Република Македонија денеска ја почна 53. седница на која пратениците поставуваат прашања до Владата.
На самиот почеток седницата беше прекината по барање на пратеникот Талат Џафери од ДУИ, кој побара половина час пауза откако пратеникот Орхан Ибраими постави две прашања до Владата поврзани со неодамнешната акција во Куманово и со, како што рече, изборните нерегуларности во 2013 година.
Џафери побара да им бидат доставени и стенограмските забелешки од говорот на Ибраими.
– Самото тоа што се изнесуваат многу факти кои немаат докази, барам половина час пауза и да ги добиеме стенограмските белешки затоа што се манипулира со документи кои произлегуваат од официјални институции и со податоци дека некој бил на местото на настанот, а некој не, рече Џафери.