„Кога голата и проста лага стана вистина, ми се случи Груевски мене, ви се случи вам, и се случи на нашата генерација. 12 години сум активна во граѓанскиот сектор. Првиот ден кога станав активна го помнам како денеска.Тој е денот кога за прв пат ги запознав децата сместени во специјалниот завод Демир Капија. По нив ги запознав и работев со децата без родители, децата во конфликт со законот.
По нив ги запознав и младите корисници на дрога и сексуалните работнички од скопските улици, ги запознав и Ромите од Шуто Оризари, и жртвите на семејно насилство и со сите нив работев како социјален работник. И тогаш сфатив дека тие не се единствените луѓе исклучени од ова општество. Меѓу нив сум и јас. На сите нас ни е одземена слободата“, рече Мила Царовска, претседателка на Комисијата за социјална политика на СДСМ, во Кампот на слободата.