Во Собранието на Република Македонија денеска седници ќе одржат комисиите за надворешна политика, за транспорт, врски и екологија и Законодавно – правната.
Предлог-законите за ратификација на конвенциите за заедничка транзитна постапка и за поедноставување на формалностите при трговија со стока се на дневен ред на Комисијата за надворешна полкитика и на Законодавно-правната комисија.
Првото читање од предлог-законот за изменување и дополнување на Законот за воздухопловство и второто читање од предлог-законот за изменување и дополнување на Законот за превоз во патниот сообраќај се пред членовите на Комисијата за транспорт, врски и екологија и на Законодавно-правната комисија.
Членовите на Законодавно-правната комисија ќе дебатираат и по предлог-законите за изменување и дополнување на Законот за музеите и Законот за библиотеките, во второ читање.