Во Тетово денеска почнува Филмскиот фестивал „WatchOut!, во организација на Центарот LOJA со поддршка на Гете Институтот во Скопје и Американската амбасада во Македонија.
На првата фестивалска вечер ќе бидат прикажани победничките филмови и најдобро рангираните филмови од Германија, Шпанија, Израел, Иран, Канада, Италија и Бразил.
Втората фестивалска вечер ќе се прикажат кратки играни филмови, а на 28-ми мај публиката ќе може да ги проследи експерименталните филмови и НА последната ќе се прикажат документарните филмови.
Во категоријата кратки филмови годинава победник е филмот „5 Euro” од авторот Дон Раца од Косово, во категоријата документарни филмови победничкиот филм носи наслов „Rope hope” од авторот Вербоом Сеп од Белгија и во категоријата анимирани и експериментални филмови победникот е од Хрватска Леа Видаковиќ со филмот „The vast land”.
Проекциите ќе бидат на отворен простор во амфитеатарот на Меморијалната куќа на комунистичката партија во Тетово.
Денеска почнува и проектот „Tetovo Transformers” , во рамки на кој се организираат работилници со локални уметници. Работилниците ги води познатитот американски видео артист Скип Блумберг.