Во мултимедијалниот културен центар Матица екслузив, утре, 26 мај, во 12 часот ќе биде отворена изложба на познатиот македонски сликар, академик Васко Ташковски.
За првпат авторот пред љубителите на уметноста ќе презентира дваесет и шест графики. Во оваа пригода ќе биде промовирана и Монографијата на цртежи од авторот, во издание на Матица македонска и Македонската академија на науките и уметностите.
За делото на Ташковски ќе говорат писателот Раде Силјан и академик Владо Камбовски, претседател на Македонската академија на науките и уметностите.