Екипата на Голден Стејт ја оствари и третата победа против Хјустон во финалето од Западната конференција на НБА плеј-офот.
На средбата одиграна ноќеска во Хјустон, составот на Голден Стејт славеше убедлив триумф со 115:80, по што поведе со 3:0 во победи и сега ја дели само уште еден триумф од пласман во големото НБА финале.
Најкорисниот играч во регудларниот дел од сезоната, Стефан Кари со постигнатите 40 поени од кои 7 тројки од 9 обиди беше предводник на тимот на „Вориорси’’ во овој убедлив триумф. Клеј Томсон и Драмон Грин средбата ја завршија со по 17 поени.
Во составот на Хјустон, најефикасен беше Џејмс Харден со 17 поени, додека Џош Смит постигна еден помалку.
Ноќеска, во 2 часот и 30 минути по македонско време, ќе се игра третиот меч од „Источното’’ финале, во кои Кливленд како домаќин против Атланта влегува со предност од 2:0 во победи во серијата подобар од четири.