Кошаркарите на Голден Стејт поведоа со 2-0 во победи во финалето на „Западот“ откако ноќеска го совладаа Хјустон со 99:98.
Ова е вкупно 45-та победа на домашен терен за Голден Стејт на 48 натпревари оваа сезона.
Кон средината на вториот период домаќинот имаше водство од 49:32, но Хјустон со серија од 23:6 на крајот од првиот дел изедначи на 55:55. Во првата четвртина расположен за игра кај домашните беше Стеф Кари со 15 поени, додека во втората четвртина се разигра кај Хјустон Џејмс Харден 12 поена (шут од игра 5 од 6).
Во завршницата на 99 секунди до крајот на дуелот последниот напад за победа го имаше Хјустон, а Харден не успеа да дојде во позиција за шут и ја загуби топката.
Токму Харден со 38 поени беше најефикасен, а Кари реализираше 33, но бекот на Голден Стејт Кари се радуваше на победата на својата екипа.
Следните два натпревара се играат на теренот на Хјустон. Вечерва на програмата е натпреварот број 2 од финалето на „Истокот“ меѓу Атланта и Кливленд. Водство од 1-0 во победи има Кливленд.