Кошаркарите на Хјустон се пласираа во финалето на Западната конференција откако синоќа во мајстроката го победија тимот на ЛА Клиперс со 113:100 и со 4-3 во победи го елиминираа ривалот.
Најефикасен на дуелот беше Џејмс Харден со 31 поен, а по триумфот тој изјави:
– Ретко која екипа се вратила по 1-3, а ние успеавме и да поминеме понатаму. Тоа ни дава голема самодоверба.
Ова е прво конференциско финале за Хјустон по 1997 година.
Финалето на „Запад“ меѓу Голден Стејт и Хјустон почнува во вторник навечер, а следниот ден е и првиот натпревар од финалето на „Исток“ меѓу Атланта и Кливленд.