Во Собранието на Република Македонија денеска седници ќе одржат комисиите за труд и социјална политика, за финансирање и буџет и за надворешна политика.
На дневен ред на Комисијата за труд и социјална политика е Предлог на законот за изменување и дополнување на Законот за пензиското и инвалидското осигурување, во прво читање.
Годишниот извештај за работењето на Народната банка на Република Македонија за 2014 година е на дневен ред на Комисијата за финансирање и буџет.
Членовите на Комисијата за надворешна политика треба да се изјаснат за предлозите-закони за ратификација на Договорот помеѓу Република Македонија и Европската унија за учество на Република Македонија во Механизмот за цивилна заштита на Унијата, на Спогодбата меѓу Македонската Влада и Шпанската Влада за размена и заемна заштита на класифицирани информации, на Договорот за економска соработка меѓу Владата на Република Македонија и Владата на Република Србија, на Договорот меѓу Владата на Република Македонија и Владата на Социјалистичка Република Виетнам за заемно поттикнување и заштита на инвестиции и на Договорот за културна соработка меѓу Владата на Република Македонија и Владата на Кралството Мароко.