Официјален Париз во првата реакција по настаните изминатиов викенд во Куманово изрази жалење за трагичниот биланс во судирите изразувајќи им соучество на семејствата на жртвите, јавува дописникот на МИА од Париз.
– Ние жалиме за трагичниот биланс при овие судири и им изразуваме сочувство на семејствата на жртвите, изјави портпаролот на француското Министерство за надворешни работи Роман Надал.
Тој нагласи дека Франција со големо внимание ја следи ситуацијата во земјата.
– Франција со големо внимание ја следи ситуацијата во земјата, Ние ги повикуваме сите страни на воздржаност. Насилството беше отфрлено од сите одговорни политичари во регионот.
На крајот од својата реакција, портпаролот на Кеј Д’Орсеј посочува дека Европската унија, ОБСЕ и НАТО вчеравечер објавија заедничка декларација на оваа тема.