Турската крајбрежна стража за време на викендот приведе стотици илегални имигранти кои се обидувале да пристигнат во Грција.
Турската крајбрежна стража во неделата привела 155 илегални имигранти кои во неколку чамци пловеле кон грчкиот остров Лезбос.
Во друга акција биле приведени 71 имигранти, од кои 38 Авганистанци, а 33 се државјани на Мјанмар.
Крајбрежната стража привела и 84 илегални имигранти, од кои поголемиот број Сиријци, тие патувале во мали чамци.
Во саботата приведени се 57 Сиријци кои пловеле кон грчкиот остров Кос. Меѓу приведените имало и четири бебиња.