„Амстердамската тројка“, односно Владимир Лазаревик, Никола Димитров и Перо Димшоски, во пресрет на 15. Конкрес на ВМРО-ДПМНЕ, најавуваат формирање на граѓанско движење под името „Има иднина“, јавува „24 Вести“.
– Целта на таа граѓанска платформа, во форма на граѓанско здружение, што е сосема различно од политичка партија, е вистински да покаже дека во Македонија има граѓани кои што имаат капацитет, дека во Македонија има луѓе што можат да ветат и да ја прифатат одговорноста да реализираат и да испорачаат нешто во интерес на граѓаните. Институциите се узурпирани, судството е узурпирано и на некој начин граѓаните се окупирани. Ние тоа сакаме да го промениме – вели Владимир Лазаревик за „24 Вести“.
Тие засега немаат намера да одржат паралелен конгрес, заедно со Форумот на слободоумни патриоти на професорот Јове Кекеновски, а како што додал Лазаревик за телевизијата, изминативе два месеци настојувале да влијаат врз членовите на ВМРО-ДПМНЕ и да укажат дека се потребни сериозни внатрепартиски реформи.
Извор: Мета