Кошаркарите на Хјустон се пласираа во полуфиналето на „Запад“ откако ноќеска пред своите гледачи во натпреварот број 5 од првото коло од НБА плеј офот го победија Далас со 103:94.
Овој триумф им донесе победа од 4-1 во добиени натпревари. Џејмс Харден со 28 поени беше најефикасен кај победничката екипа.
Шампионот Сан Антонио оствари уште една гостинска победа во дуелите со ЛА Клиперс, го совлада противникот со 111:107 и сега води со 3-2 во победи.
Тим Данкан кај победничката екипа постигна 21 поен со 11 скокови, додека најпрецизен беше Блејк Грифин од ЛА Клиперс со 30 поени, а имаше и 14 скокови.
Натпреварот број 6 се игра во четврток навечер во Сан Антонио.
Вечерва се играат натпреварите: Атланта – Бруклин (2-2 во победи) и Мемфис – Портланд (3-1).