Собранието на Република Македонија денеска ќе ја продолжи 45-та седница на која ќе расправа за неколку законски решенија по скратена постапка.
На дневен ред се измените на Законот за приватизација и закуп на градежно земјиште во државна сопственост и на Законот за работните односи.
Пратениците ќе дебатираат и по измените и дополнувањата на Законот за архивски материјал и на Законот за спортот.
Собранието на Република Македонија денеска ќе ја продолжи 45. седница на чиј дневен ред се измените на Законот за судовите, во второ читање.
Пратениците ќе расправаат и за измените на Законот за полиција, Дополнетиот предлог на закон за доброволно здравствено осигурување и за измените на Законот за здравствена заштита.
Во рамки на оваа седница се и измените на Законот за плата и други надоместоци на избрани и именувани лица и измените на Законот за исплата на плати, двата по скратена постапка. Пратениците ќе дебатираат и за измените на законите за данокот на додадена вредност, за внатрешна пловидба, за железничкиот сообраќај и дополнувањата на Законот за евиденциите од областа на трудот, сите во прво читање.
На дневен ред на седницата се и Предлог законот за посебните права на припадниците на безбедносните сили и членовите на нивните семејства, поднесен од парламентарното мнозинство, како и информацијата за интензивирање на процесот на иселување од државата заради владините политики, поднесена од пратеници од опозицијата.
