Собранието на Република Македонија утре ќе биде отворено за посета од граѓаните.
Со тоа, како што е наведено во сопштението на собраниската прес-служба, се отвора можност граѓаните да ја разгледаат внатрешноста на зградата како значајно историско обележје на македонската државност.
Посетителите ќе имаат можност да го посетат и свечениот дел на Собранието и да добијат одговор на нивните прашања.