Бети Вилис, жена која го дизајнираше познатиот неонски знак кој од 1959 година ги поздравува посетителите на Лас Вегас, почина во својот дом во Невада.
Вилис (91) починала во изминатиот викенд.
Неонскиот знак Добредојдовте во фантастичниот Лас Вегас го дизајнираше во рамки на проект за привлекуавње туристи во округот Кларк во невада.
Инспирацијата за обликот на знакот е позајмена од лого на компанијата Гудјеар, додека ѕвездата на врвот е инспирирана од филмовите на Дизни кои промовираат среќа.
Сребрените долари со кои е испишано „Добредојдовте“ дизајнирани се за среќа.
Тоа е еден од најпрепознатливите знаци во светот и репродуциран на илјадници сувенири. Вилис не обезбеди авторски права ниту заработила од знакот кој го нарекувала свој подарок за Лас Вегас.