Четири лица се повредени во судир на три возила што се случил утрово во 7.40 часот на регионалниот пат Куманово-Липково во близина на подружницата на Ј.П Македонски шуми.
Првото возило марка „БМВ“ управувано од 31 годишниот Б.Ф. доаѓало од Липково кон Куманово, а од спротивната страна биле „Опел Астра“ управувано од 25 годишниот С.Ц и третото „Волсфаген комби“ управувано од М.П., 33 годинишен од Куманово.
Како што информираат од МВР, возачот на БМВ-ето се здобил со тешки телесни повреди, неговиот сопатник 45 годишниот Б.А со телесни повреди, а повреден е и патникот во комбето Б.Т роден 1977. Сите повредени се пренесени во кумановската болница каде што им е укажана лекарска помош.На местото на несреќата се уште трае увидот по налог на Основно јавно обвинителство. По завршувањето ќе се знае причините и околностите под кои дошло до сообраќајната незгода.