Авторот на изложбата „Секогаш другите се оние што умираат“ Илија Прокопиев и проф. д-р Наташа Аврамовска од Институтот за македонска литература денеска во галеријата „Ко-Ра“ во Домот на култура „Кочо Рацин“ (Домот на градежните работници) ќе имаат средба со публиката.
Целта на средбата е дискусија за книгата со цртежи „Атласот на човековото тело по Аристотел“ што е составен дел на изложбата. Книгата е воедно продолжение на магистерска теза на Прокопиев кој го истражува развојот на визуелниот јазик на медицинската илустрација во поширок културен контекст, под менторство на професорката Аврамовска.
Публиката ќе може активно да учествува во разговорот за Атласот, но и да поставува прашања за изложбата. Атласот ќе биде достапен за сите заинтересирани.